sedi: Comuni de Aristanis – Palatzu de is Scolopis – Pratza de Citadi, 44
telefonu: 0783 791 289
e-mail: elena.flore@comune.oristano.it
orarius: lunis, mrècuris e cenàbura dae is 9.00 a mesudì, martis dae is 4.00 a is 6.00 de merì
Attivdadi:
Su Suap (isportellu Ùnicu po is Atividadis Produtivas) est s’isportellu a in ui andant is impredidoris chi bolint cumintzai o ammanniai un’impresa po sciri chi ddu podint fai e, chi si podit, ita depint fai. Andant fintzas po pigai is mòdulus.
Chi andat a su SUAP s’imprendidori fait totus is pràticas in pagu tempus.
A is 20 dìs dae sa presentatzioni de una sìmplici autocertificatzioni de cunformidadi (DUAAP) s’imprendidori podit giai cumintzai s’atividadi (ci podint boli unas cantas dìs in prus chi tocat a cunvocai una Cunferèntzia de Servìtzius).
Su SUAP est responsàbili de totus is procedimentus amministrativus de is atividadis econòmicas e produtivas de benis e servìtzius e de totus is procedimentus amministrativus chi riguardant is impiantus produtivus e duncas fintzas is cuncessionis o autorizatzionis edilìtzias.
Po tanti s’imprendidori andat a su SUAP a presentai su DUAAP po cumintzai o ammanniai s’impresa e po ndi pigai sa recìda chi ddi permitit de cumintzai in sceti 20 dìs.
Sa lei regionali n.3 de su 5 de martzu de su 2008 at cambiau is procedimentus de su SUAP e immoi ci funt duas maneras po fai nasci un’atividadi produtiva: cumintzai illuegus o cunvocai una cunferèntzia de servìtzius (artìculu 1, commas 16-32).
Candu si cumintzat illuegus s’imprendidori presentat a su SUAP sa DUAAP impari a is relatzionis e a is àterus documentus chi abisongiant. Passadas 20 dìs s’imprendidori podit cumintzai s’atividadi. In casus ispetzìficus (inditaus in su comma 24) s’imprendidori depit abetai su resurtau de sa cunferèntzia de servìtzius. Funt cussus casus chi atenint a cuntrollus de s’ambienti, a sa siguresa pùblica, a s’amparu de sa saludi pròpria e de is àterus.
Protzedura
a)s’atividadi benit cumintzada illuegus chentza bisòngiu de interventus edilìtzius
b)s’atividadi benit cumintzada illuegus ma c’est bisòngiu de interventus edilìtzius
a)s’atividadi benit cumintzada illuegus chentza bisòngiu de interventus edilìtzius:
s’imprendidori chi bolit cumintzai un’atividadi produtiva e tenit giai su logu in ui dda fai, presentat a su SUAP cumpetenti sa DUAAP chi provat ca s’atividadi chi bolit fai est cunformi a sa lei. Sa DUAAP impari a is allegaus depint essi presentaus fintzas in formau eletrònicu. Candu benint presentaus, su SUAP giait a s’imprendidori una recìda e mandat sa DUAAP a totus is entis cumpetentis po fai is cuntrollus. Chi, passadas is 20 dìs s’imprendidori non arricit osservatzionis, podit cumintzai s’atividadi e sa recìda est su documentu chi provat ca est autorizau.
b)s’atividadi benit cumintzada illuegus ma c’est bisòngiu de interventus edilìtzius
S’imprendidori chi bolit cumintzai un’atividadi produtiva ma non tenit ancora su logu in ui dda fai presentat a su SUAP cumpetenti po su territòriu sa DUAAP e is allegaus, fintzas in formau eletrònicu. Candu benint presentaus, su SUAP giait a s’imprendidori una recìda e mandat sa DUAAP a totus is entis cumpetentis po fai is cuntrollus Chi, passadas is 20 dìs s’imprendidori non arricit osservatzionis, podit cumintzai s’atividadi e sa recìda est su documentu chi provat ca est autorizau.
Finius is traballus su titulari de s’impresa ddu fait sciri a su SUAP cun una dichiaratzioni noa (e cun unu certificau de su diretori de is traballus chi provat ca custus funt cunformis a su progetu). Chi ddu at bisòngiu de unu collàudu, custu benit fatu dae unu tècnicu abilitau e benit mandau illuegus a su SUAP. Si su collàudu est andau beni si podit cumintzai a fai funtzionai is impiantus.
Procedura cun “cunferèntzia de servìtzius”
S’imprendidori chi bolit cumintzai un’impresa in setoris particularis (inditaus in su comma 24 de sa L.R. n. 3/2008, comenti cussus chi atenint a cuntrollus de s’ambienti, a sa siguresa pùblica, a s’amparu de sa saludi pròpria e de is àterus) presentat sa DUAAP a su SUAP cumpetenti po su territòriu. Custu giait una recìda a s’imprendidori e a intru de is 7 dìs cunvocat una cunferèntzia de servìtzius chi s’at a depi fai a intru de is 15 dìs a pustis. Po podi cumintzai s’imprendidori depit abetai su resurtau de sa cunferèntzia de is servìtzius.
Sito istituzionale