Angela Nonnis tenit 50 annus, s’est laureada cun su màssimu de is votus in Mexina e Chirurgia – Specializada in Mexina de su Traballu -, est dipendenti de sa A.S.L. n. 5 de Aristanis, est responsàbili Aziendali de su Servìtziu A.D.I. (Assistenza Domiciliare Integrata) e traballat comenti dotori in unus cantus aziendas e Amministratzionis Pùblicas.
Est sòcia de s’Associatzioni Culturali de Aristanis "Il Teatro di Eleonora" in ui fait s’atrici po iscopus socialis pighendi sa parti de is fèmminas de sa sociedadi aristanesa rapresentadas dae su grandu commediògrafu Antonio Garau.
Est iscrita a is Riformadoris Sardus: fait parti de su Cumitau Proviciali de Aristanis e de su Cumitau Regionali. In su 2004 si fiat candidada a is eletzionis po su Cunsillu Regionali Sardu; est stètia sa prima de is non elègius in sa lista de is riformadoris e fintzas sa fèmmina chi at pigau prus votus (1136) in totu sa Provìcia.
Su Sìndigu Nonnis, chi guidat s’alleàntzia de centru-destra formada dae Forza Italia, UDS, AN, Riformatori, Oristano Città Nuova e DC, at bintu is eletzionis amministrativas de su 2007 cun 10.574 votus, est a nai ca at pigau su 58,2% de is preferèntzias, bincendi a su segundu turnu su candidau de su centru-sinistra Marino Marchi chi at pigau 7.592 votus, est a nai su 41,79% de is preferèntzias.
A su primu turnu Angela Nonnis aiat pigau 7.900 votus chi funt su 37,41%, Marino Marchi 6.447 votus (su 30,53%), Mauro Solinas (chi guidat unu grupu de centru) 5.768 votus (su 27,31%) e Carlo Pettinau (cun unu grupu sardista) 1.002 votus (su 4,74%).
- Sedi ofìtziu: Pratza de Citadi, Palatzu Campus Colonna - 09170 Aristanis
- Oràrius e arricimentu: po apuntamentu
- Telèfonu: 0783 791 225 - 227 - 305
- Fax: 0783 300 707
- E-mail: sindacononnis@comune.oristano.it
- gabinetto.sindaco@comune.oristano.it
Sito istituzionale