Fatu cun unu progetu de Giuseppe Viana, su cumplessu de su Cramu, de su cali faint parti sa crèsia e su cunventu, est longu giai 40 metrus, artu 15 e est in sa ruga chi tenit su matessi nòmini. Su dinari po ddu fai, in su 1776-1785, fiat stètiu giau dae su Marchesu d’Arcais. Su cunventu fiat stètiu sciusciau in su 1866 e fiat diventau sa sedi de is carabineris. Oi in su cunventu si faint manifestatzionis culturalis importantis.
Sa cortilla de su cunventu tenit cuatru furrungonis e, a ingìriu a ingìriu, c’est una bròciu. Sa faciada est imponenti e austera: ci funt sceti is ventanas, su bassorilievu cun sa Vèrgini de su Cramu in su portali de s’intrada e, in su pròpriu assi, una balaustrada de ferru. In su portali c’est unu fastigio arrichiu cun una lastra de màrmuri cun su stemma de sa famìllia d’Arcais. Is portas e is ventanas, is murus de coloris alligrus, is nìcius a is partis e is tribunetas cun pagu luxi faci a sa navada e a su presbitèriu, movimentant su pagu spàtziu de s’edifìciu chi est curau meda fintzas in is ornamentus de linna, màrmuri e ferru.
Sito istituzionale