Su Comuni

• Su Sìndigu
• Archìviu Stòricu
• Fundatzioni Sa Sartìllia
• ISTAR
• Biblioteca
• Ludoteca
• Informacittà
• URP
• Iscola cìvica de mùsica
• SOS traballu
• Isportellu contru sa violèntza
• SUAP
• Ofìtziu comunali de sa limba e de sa cultura sarda

Sa Citadi

• Stòria de Aristanis
• Sa citadi
• Sa Sartìllia
• Ita biri

Turismu

• Itinerarius
• Traditzionis

Palatzu D'Arcais

Su palatzu Siviero, chi in antis fiat de Arcais, est stètiu su primu palatzu fatu a sa fini de su setixentus in sa ruga Dereta e immoi est de proprietadi de s’Amministratzioni proviciali de Aristanis. Fortzis su progetu est de s’architetu Giuseppe Viana. Su palatzu portat tres pianus costruius a ingìriu de unu assi centrali; est stètiu assentau dae pagu, tenit unu aspetu austeru e portat una parti manna rebussada.

Est de valori mannu su portali de linna traballada chi s’oberit faci a una iscalera imperiali. Su primu pianu si presentat in modu meda eleganti cun balcucinus a forma de mesu circu ornaus dae parapetus de ferru chi, po sa forma, arregodant cussus de sa tribuna de sa Catedrali.

Dae s’intrada partit una scala manna illuminada dae susu dae una luxi bella. Sa cosa prus bella de totu sa costrutzioni est s’eleganti tamburu otagonali, cun ventanas, chi finit a forma de campana e sa crobetura fata cun matonellas coloradas.

Sa propriedadi est passada in manus diferentis. In antis sa famìllia Arcais dd’aiat giau a su generali Poddighe, is parentis suus dd’aiant giau a sa famìllia Siviero e, dae su 1983, est de propriedadi de s’Amministratzioni proviciali.