Su Comuni

• Su Sìndigu
• Archìviu Stòricu
• Fundatzioni Sa Sartìllia
• ISTAR
• Biblioteca
• Ludoteca
• Informacittà
• URP
• Iscola cìvica de mùsica
• SOS traballu
• Isportellu contru sa violèntza
• SUAP
• Ofìtziu comunali de sa limba e de sa cultura sarda

Sa Citadi

• Stòria de Aristanis
• Sa citadi
• Sa Sartìllia
• Ita biri

Turismu

• Itinerarius
• Traditzionis

Crèsia de Santa Crara

Sa Crèsia de Santa Crara est in su centru stòricu de Aristanis, in su cunventu de is Clarissas claustralis. Nant ca is Clarissas funt in Aristanis dae su 1260-1265 ma, sigomenti non teneus documentus, si pentzat ca su monastèriu siat de su 1200 e siat stètiu fatu a pustis chi su giugi de Arborea Pietro III de Bas Serra aiat tentu s’autorizatzioni dae Clemente VI; sa crèsia est stètia cunsacrada in su 1428. Is scavus fatus in su 1982-84 nos ant fatu biri is fundamentas e una strutura prus pitica de sa de immoi.

Su stili est cussu gòticu francesu chi ndi fiat stètiu betiu in citadi dae maistus àbilis guidaus dae is toscanus e tzerriaus in Sardigna dae s’òrdini Francescanu in su perìodu de sa riforma artìstica. De sa prima crèsia in stili gòticu oi abarrant sceti sa faciada, s’abside e unus cantus bigas de tantus coloris. A intru prima ci fiat sceti una navada, sa crobetura fiat fata cun bigas de linna, su presbitèriu portaiat cuatru furrungonis cun sa bòvida tunda a forma de gruxi. Portat cuatru furrungonis fintzas S’abside, chi est de pedra gregori, sa bòvida tunda a forma de gruxi e a susu de capitellus c’est un arcu frontali cun su stemma giudicali arborense.