Su Seminàriu est in pratza de sa catedrali. Portat una bisura imponenti: est mannu meda ca dd’ant postu manu unu muntoni de bortas in is sèculus. Dd’aiat fatu fai in su 1712 su Mussennori Masones ma fiat sceti una parti de sa strutura de immoi; oi de cust’òbera non est abarrau nudda. Sa parti centrali est stètia finia in su 1744.
Faci a su 1830 est stètia costruia sa parti a manca e ammanniada faci a susu.
A intru is aposentus funt mannus e adatus po su chi serbint, e funt fintzas ricus de pinturas.
Sa faciada parit fintzas prus severa po comenti funt postas is portas e is ventanas chi funt totus ugualis. Est fatu in pedra e in matonis cotus. Sa parti arta de sa faciada est stètia fata in is ùrtimus annus de su ’800 e in is primus de su ‘900; sa parti arta de sa faciada tenit s’ùrtimu pianu fatu prus a chirru de a intru de su primu; in sa parti arta c’est su frontali chi portat inseriu unu medallioni. Su portali de s’intrada, comenti fintzas sa ventana de su primu pianu, est abbelliu cun ornamentus.
Sito istituzionale