In perìodu giudicali, candu fiat rei Mariano II, Aristanis fiat totu ingiriada dae murus de difesa chi fiant artus dae 5 a 6 metrus. Is documentus nos permitint de biri comenti fiant is murus a sa fini de su 1200 cun totus is turris e is portas.
A cumintzai dae sa turri de Santu Cristòforu e passendi in sa ruga de Santu Srebestianu, is murus arribaiant fintzas a sa turri de Portixedda. Dae innoi sighiant in sa ruga de s’erba de cani e, passada sa crèsia de Santu Sadurru, furriaiant faci a Porta a Mari. Dae innoi partiat s’ùrtimu tretu de casi 700 metrus fintzas a si torrai a uniri cun sa turri de Santu Cristòforu dae ui fiat partia.
Immoi de totus custus murus abarrat una turri in via Cagliari, a faci a su rifornidori Esso, unus cantus arrogus in sa cortilla de su seminàriu, in sa ruga de s’erba e cani, in sa cortilla de s’asilu Boy e in sa ruga de Santu Srebestianu
Sito istituzionale