Su Comuni

• Su Sìndigu
• Archìviu Stòricu
• Fundatzioni Sa Sartìllia
• ISTAR
• Biblioteca
• Ludoteca
• Informacittà
• URP
• Iscola cìvica de mùsica
• SOS traballu
• Isportellu contru sa violèntza
• SUAP
• Ofìtziu comunali de sa limba e de sa cultura sarda

Sa Citadi

• Stòria de Aristanis
• Sa citadi
• Sa Sartìllia
• Ita biri

Turismu

• Itinerarius
• Traditzionis

Santu Giuanni Batista

Sa Crèsia de Santu Giuanni Batista, o Santu Giuanni de Froris, est a casi unu chilòmetru dae su centru de sa citadi, a sud-ovest de sa Crèsia de Santu Martinu e a duxentus metrus dae su campusantu de Santu Pedru.
Is formas sèmplicis de sa crèsia si podint biri in sa strutura a pianta cuadrada tramesada dae cuatru pilastrus chi marcant una navada centrali amantada cun una crobetura arrimada a susu de bigas e listellus.
In foras in duas partis c’est unu bròciu arrimau a susu de pilastrinus de pedra gregori chi pompiant una crobetura de cannas e tèbias. In is àteras duas partis ci funt sa segrestia e unus cantus aposentus. S’istrutura architetònica de immoi est de època ispagnola, de su sèculu XVI po essi prus precisus. In is murus abarrat unu incueddu de pilastru cun capideddu de trachite in stili gòticu-aragonesu.
Ma is orìginis de sa crèsia funt giudicalis: ddu testimongiant documentus comenti su testamentu de su Giugi de Arborea Ugone II (1335) chi istabiliat una lassa po sa Crèsia; ndi connosceus is fueddus originàrius: “Sancti Johannis de Venis” (Santu Giuanni de is acuas de mitza). Oi sa Crèsia benit oberta sceti po is festas de su Grèmiu de Santu Giuanni (o de is massàjus). S’artari magiori est cunsacrau a Santu Giuanni e a costau portat dus artareddus, in unu c’est sa stàtua de su santu predetzessori chi po sa festa de sa nàscita (su 24 de làmpadas) benit bestiu a festa; s’àteru est cunsacrau a Santu Sidori massàju, patronu e protetori de is massàjus. A manca a su muru de sa crèsia (castiendi s’artari) c’est unu cuadru cun su Martìriu de Santu Giuanni Battista, chi tenit pagu valori artìsticu ma est importanti po su Grèmiu poita ci funt scritus is nòminis de is Oberàjus Majoris (rapresentantis de su Grèmiu) e de àterus sòcius chi aiant cummissionau s’òbera in su 1701.