Su Comuni

• Su Sìndigu
• Archìviu Stòricu
• Fundatzioni Sa Sartìllia
• ISTAR
• Biblioteca
• Ludoteca
• Informacittà
• URP
• Iscola cìvica de mùsica
• SOS traballu
• Isportellu contru sa violèntza
• SUAP
• Ofìtziu comunali de sa limba e de sa cultura sarda

Sa Citadi

• Stòria de Aristanis
• Sa citadi
• Sa Sartìllia
• Ita biri

Turismu

• Itinerarius
• Traditzionis

Su Museu

ANTIQVARIVM ARBORENSE

Museu Archeològicu “Giuseppe Pau”
Sedi:Pratza Corrias
Telèfonu: 0783791262
fax: 0783791262
e-mail: memoriastoricaor1@virigilio.it 

Oràriu:
totus is dìs dae is 9.00 de mengianu a is 2.00 de merì e dae is 3.00 de merì a is 9.00 de noti. 

Billetus po intrai:
€ 3,00 interu; € 1,50 iscontau (grupus de prus de 10 personas e piciocheddus dae is 6 a is 18 annus); € 1,00 po chie tenit prus de 65 anni e po piciocheddus de iscola; non si pagat nudda fintzas a is 6 annus.
Is guidas, cumpresas in su prètziu, funt disponìbilis in italianu, ingresu e frantzesu.

Servìtzius: bookshop ispecializau, istruturas po personas mobàdias, sala po cunvènnius.

su Museu Archeològicu “G. Pau” est nàsciu in su 1938 candu su Comuni de Aristanis fiat intrau in possessu de s’importanti colletzioni archeològica de s’abogau Efisio Pischedda.
In s’Antiqvarium Arborense ci funt repertus chi andant dae s’edadi preistòrica a cussa medioevali.
In su museu ci funt dus pianus: in su primu si faint mostras aprontadas de sòlitu onni ses mesis, invetzi in sa prima setzioni de su primu pianu funt ammostaus materialis prestòricus, protostòricus e nuràgicus agataus in sa penìsula de su Sinis; in sa sigunda ci funt is urnas de is mortus e is fronimentus tumbalis fenìcius e pùnicus (VII-III sèculu in antis de Gesù Cristu) agataus in Tharros. In sa tertza setzioni ci funt repertus de edadi romana paleocristiana e artumedioevali (II sèculu prima de Gesù Cristu / VII sèculu a pustis de Gesù Cristu).
Est meda interessanti sa sala de is retàulus chi est in su pianu de susu poita innì ci funt custodias òberas comenti su retàulu de Santu Martinu (XV sèculu), su retàulu de su Santu Cristu (1533) e su retàulu de Nostra Sennora de is Consilleris (1565). Cumpletat custa arregorta su plàsticu de sa citadi de Tharros in su IV sèculu a pustis de Gesù Cristu e cussu de sa citadi de Aristanis in su XIV sèculu a pustis de Gesù Cristu.

Su personali de su Museu Archeològicu est a dispositzioni de is visitadoris po fai vìsitas guidadas in su centru stòricu citadinu, po torrai a bivi su splendori de sa citadi in tempus giudicali visitendi crèsias, monumentus, palatzus e is duas turris medioevalis mantènnias beni. Is prètzius funt is pròpius de cussus de is visitas a su mùseu.

Is colletzionis