Su Comuni

• Su Sìndigu
• Archìviu Stòricu
• Fundatzioni Sa Sartìllia
• ISTAR
• Biblioteca
• Ludoteca
• Informacittà
• URP
• Iscola cìvica de mùsica
• SOS traballu
• Isportellu contru sa violèntza
• SUAP
• Ofìtziu comunali de sa limba e de sa cultura sarda

Sa Citadi

• Stòria de Aristanis
• Sa citadi
• Sa Sartìllia
• Ita biri

Turismu

• Itinerarius
• Traditzionis

Is Turris

Cumintzaus sa passillada nosta dae sa Porta in ui c’est sa Turri de Santu Cristòforu fata tra su 1289 e su 1290 e bòfia dae su Giugi Marianu II, su rei chi fortzis aiat ammanniau is murus de difesa de sa citadi. Po custu sa turri est tzerriada fintzas “Sa Turri de Marianu”. A printzìpiu fiat tzerriada Porta Ponti e a pustis de Santu Cristòforu fortzis poita a canta ci fiat su retàulu de Santu Cristòforu. Dae Sa Porta sigheus faci a Santu Srebestianu e furriaus a sa dereta in sa ruga de Santu Srebestianu. Custa ruga fiat nàscia tra sa sigunda metadi de su sèculu XVIII e sa prima metadi de su sèculu a pustis, in sa parti nord orientali de is murus medioevalis, candu fiant nàscias, una a costau de s’àtera, butegas de maistus de tantis artis e domus. In custa manera funt stètius incorporaus is murus e is cincu turritas chi s’agataiant a sa dereta de sa turri. Ma una turrita si podit biri ancora: chi nos poneus a pabas a su nùmeru 66 in sa ruga de Santu Srebestianu e castiaus is crobeturas de is domus chi portaus a faci, bideus una turrita de pedra gregori chi faiat parti de is murus de difesa; a sa fini de sa ruga agataus sa turri tunda tzerriada Portixedda; oi non portat prus sa pianta a cuatru partis, comenti dd’ait bòfia Marianu II a sa fini de su XIII sèculu, poita a pustis, in su cincuxentus, fiat stètia assentada. Arrastus de sa turri medioevali funt stètius agataus dae pagu fadendi scavus archeològicus. Immoi dae Portixedda andaus faci a sa ruga de s’erba de cani sighendi oru oru is murus giudicali chi onni tanti si birint, comenti in su giardinu de sa crèsia de Santu Sadurru e in sa cortilla de sa domu de Loy, in su spuntoni cun via Ichnusa. Sighendi arribaus a Porta a Mari in ui, tra su 1292 e su 1293 su giugi Mariano II aiat fatu fai, comenti provat una làpida antiga arregota in s’Antiquarium Arborense de Aristanis, sa turri de Santu Filipu, sa porta de su mari (Porta a Mari) chi fiat s’intrada po sa citadi po is chi arribaiant dae Casteddu. Fiat una turri a pianta cuadrada, cun tres partis obertas faci a foras e una faci a sa citadi; custa a printzìpiu fiat oberta, a pustis, in edadi ispagnola, dd’aiant serrada cun unu muru de pedra imbiancau.
Sa turri fiat pretzida in dus: cussa de bàsciu, arta 24 metrus e merlada, portat in mesu unu campanibeddu “a vela” e s’àtera in susu, prus pitica, custa puru merlada. Fiat stètia fata po difendi su castellu a in ui s’intraiat dae una porta a forma de arcu. A pustis a intru fiat stètia pretzida in unus cantus pianus po ndi porri tenni prus aposentus dae usai po is presoneris o po ndi fai allògius po is castiadoris. Dd’aiant sciusciada in su 1907 impari a su chi abarraiat de su castellu e de sa Porta a Mari.