Sa Festa de Santa Gruxi (su 14 de cabudanni) fai parti de una traditzioni antiga de Aristanis. Est una festa connota e pretziada nàscia in tempus antigu, e unu muntoni de genti est sempri arribada dae totu s’ìsula po dda biri.
A manera antiga marcaiat su comentzu de s’annada agrària, candu si faiant cuntratatzionis e iscàmbius de prodotus de campagna e de bestiàmini. Custa traditzioni est stètia lassada perdi po tempus meda, dae is annus ’50;
dae pagu est stètia recuperada e valorizada gràtzias a unu cumitau voluntàriu agiudau dae su Comuni de Aristanis.
A printzìpiu sa Festa de Santa Gruxi fiat sa “Festa Manna” e fiat fata impari cun sa fiera de su bestiàmini chi si faiat in sa “Pratza de is bois” e chi est connota comenti “foro boario”, una de is portas de sa citadi, in sa ruga chi uniat Aristanis a sa fratzioni de Sibì. Su Comuni dda bolit valorizai e ndi fai unu museu.
Oi sa Festa de Santa Gruxi est fata de funtzionis religiosas, de propostas de su Cumitau (ispetàculus, manifestatzionis, ammostas de prodotus agroalimentaris) e de su Pàliu de cuaddos chi si currit in Sa Rodia.
Sito istituzionale